विराटनगर, चैत १७–पूर्वमन्त्री तथा प्रतिनिधिसभा सदस्य शिवकुमार मण्डलले कोरोना (कोभिड–१९) संक्रमणको जोखिम न्युनिकरण गर्न भारतसँग सीमा जोडिएका नाकाहरुका थप कडाइ गर्नुपर्ने बताएका छन् । उनले विश्वव्यारी महामारिका रुपमा फैलिएको कोरोना संक्रमण भारतको बिहार राज्यमा समेत रहेकाले सिमामा थप कडाइ गर्नुपर्ने बताएका हुन् ।

नेपाल कम्युनिष्ट पार्टी(नेकपा) केन्द्रीय सदस्यसमेत रहेका सांसद मण्डलले अहिले पनि सीमा वारीपारि गर्नेक्रम नरोकिएकाले सीमा क्षेत्रमा थप सुरक्षाकर्मी परिचालन गरि कडाइगर्नुपर्ने बताएका हुन् । ‘हाम्रो छिमेकी देशको बिहार राज्यमा पनि कोरोना संक्रमण फैलियसकेको छ । तर, अहिले पनि सीमानाकाबाट वारिपारी गर्ने क्रम रोकिएको छैन ।’ उनले भने,‘लक डाउन जनताकै लागि भएकाले कडाइका साथ पालना हुनुपर्छ । गरिव, विपन्न र मजदुर बर्गको राहतका लागि घर घरमै खाद्यान्न उपलब्ध गराउनुपर्छ ।’

नेकपा विराटनगर महानगरका इन्चार्ज समेत रहेका सांसद मण्डलले सँझपख देखि विराटनगर लगायत सवै ठाउँमा अत्याधिक भिडभाड हुन थालेकाले दुरि व्यवस्थापन गर्दै अत्यावश्यक वस्तु खरिद विक्रिको प्रवन्ध मिलाउदै लक डाउन मा कडाइ गर्न आग्रह गरे ।

उनले साँझपख गर्न थालिएको भिडभाडले संक्रमणको जोखिम भएकाले साँझको समयमा पनि लक डाउन कडाइका साथ लागु गर्न आग्रह गरेका हुन् । उनले लक डाउनका कारण किसान, मजदुर, विपन्नवगर्ग मात्र नभएर उद्योगी व्यवसायी लगायत सवैक्षेत्र मारमा परेकाले सवैलाई सरकारले उक्त समय अवधिभर ऋण र व्याजमा छुटको अविलम्ब ब्यवस्था गर्नसमेत आग्रह गरेका छन् ।