कोरोना संक्रमण रोक्न भारतले भोलिबाट लागू हु्नेगरी २१ दिन लामो लक डाउन गर्ने भएको छ । भारतीय प्रधानमन्त्री नरेन्द्र मोदीले भारतमा २१ दिन लामो लकडाउन गर्ने घोषणा गरेका छन् ।

प्रधानमन्त्री मोदीले देशका नाममा सम्बोधन गर्दै मंगलबार मध्यरातदेखि तीन साता भारतभर लकडाउन गर्ने घोषणा गरेका छन् ।उनले यसअघि १९ मार्चमा देशवासीका नाममा सम्बोधन गर्दै २२ मार्चमा जनता कफ्र्यु घोषणा गरेका थिए । भारतका केही राज्यहरुले जनता कफ्र्युलाई निरन्तरता दिइरहेका छन् । भारतमा कोरोनाबाट ५१९ संक्रमित भएका छन् भने १० जनाको मृत्यु भएको छ । ३९ संक्रमित निको भएर घर गएका छन्