विराटनगर, चैत १०–नेपाली कांग्रेस मोरङले कोराना भाइरसबारे सचेतना अभियान सुरू गरेको छ । कांग्रेसको विभिन्न तहबाट आएको सुझावका आधारमा मोरङ कांग्रेसले सचेतना अभियान सुरू गरेको हो ।

मोरङ काग्रेसका सभापति डिगबहादुर लिम्बूका अनुसार प्रचारप्रसारलाई व्यापक बनाउने, मास्क, सेनिटाजर वितरण गर्ने निर्णय गरिएको छ । यस्तै कालोबाजारी नियन्त्रणका लागि अनुगमन गर्न स्थानीय प्रशासनलाई अनुरोध गर्ने, सिमा नाकामा कडाई गर्न सरकारको ध्यानाकर्षण गर्ने लगायतका निर्णय गरिएको छ ।

दैनिक ज्याला मजदुरी गरेर जीविका चलाउँदै आएका सर्वसाधारणलाई राहतको प्रबन्ध गर्न पनि सरकारसँग माग गरिएको मोरंङ काग्रेसका सचिव मोदराज घिमिरेले बताए । यस्तै मोरङ कांग्रेसले अति आवश्यक काममा बाहेक घरबाहिर ननिस्की सुरक्षीत रुपमा घरमै बस्न आग्रह गरेको छ । वैदेशिक रोजगारीबाट फर्किएका नेपालीलाई सम्मानजनक तरीकाबाट क्वरेन्टाइनमा राख्ने व्यवस्था मिलाउन सरकारसँग मोरङ कांग्रेसले माग समेत रेको छ ।