काठमाडौं, चैत ५–आजबाट कायममुकायम गभर्नरका रूपमा डेपुटी गभर्नर चिन्तामणि शिवाकोटीले पद सम्हाल्ने भएका छन् । डा. चिरञ्जीवी नेपाल आजबाट बिदाइ भएसँगै कामु गभर्नरका रूपमा शिवाकोटीले पद समहाल्ने भएका हुन् । १ महिना अगाडि नै सिफारिस समितिले नयाँ गभर्नर नियुक्त गरिसक्नुपर्ने भए पनि सिफारिस हुन नसक्दा कायममुकायमको जिम्मा शिवाकोटीलाई दिनुपरेको हो ।
मंगलबार सरकारले पत्र पठाएर शिवाकोटीलाई कायममुकायमको पद सम्हाल्न आग्रह गरेको थियो । सोहीअनुरूप शिवाकोटी आजबाट कायममुकायम गभर्नर बनेका हुन् । नयाँ गभर्नर नियुक्त नहुन्जेल गभर्नरको काम शिवकोटीले गर्नेछन् ।