विराटनगर, चैत ४–कोरोना भाईरसबाट संक्रमित भएका बिरामीको उपचारको लागि कोशी अस्पतालले आइसोलेसन वार्ड तयार गरेको छ । विश्वभर महामारीको रुपमा फैलिरहेको कोरोना भाईरसका संक्रमित आए त्यसको तत्काल उपचार थाल्ने गरि आजबाट ३ वटा वार्डमा १२ वटा आईसोलेन्स बेडको तयारी गरेको कोशी अस्पतालकी मेडिकल सुपरिटेन्डेन्ट डा. संगिता मिश्रले बताइन् ।

न्युनतम मापदण्ड पुरा गरेर बनाएको आईसोलेसनको प्रत्येक वार्डमा हात धुने बेसिन , मुटुको चाल थाहापाउने कार्डिएक मनिटर राखिने ब्यवस्था गरिएको छ। संक्रमित बिरामी आईसकेपछी रेफर गर्नु नपरोस भन्ने उद्धेश्यले तयारी गरिएको कोशी अस्पतालका कोरोना भाईरसका फोकल पर्सन फिजिसियन डा. डिनप्रसाद आचार्यले बताए ।

अस्पतालले भोलि देखि गेटमै तापक्रम नापेर मात्र अस्पताल भित्र प्रवेश गर्ने व्यवस्थासंगै संक्रमण हुन नदिन अस्पताल परिसर भित्र ६ ठाँउमा हात धुने बेसिन समेत राखेको छ ।