पूर्वमन्त्री पण्डित दर्जनौँ कार्यक्रम भ्याएर पुनः काठमाडौं फर्किए

 न्यूज विराट
पूर्वमन्त्री पण्डित दर्जनौँ कार्यक्रम भ्याएर पुनः काठमाडौं फर्किए

विराटनगर, फागुन २७–पूर्व संघिय मामिला तथा सामान्य प्रशासनमन्त्री लालबाबु पण्डित विभिन्न कार्यक्रम भ्याएर पुनः काठमाडौं फर्किएका छन् । गृह जिल्ला आएर आफ्नो निर्वाचन क्षेत्रका विभिन्न कार्यक्रम भ्याएर उनी पूनः काठमाडौं फर्किएका हुन् । निर्वाचनमा जनतामाझ गरेको बाचा पुरा गर्न निकै सकृय मोरङ क्षेत्र नं. ६ का संघिय सांसद रहेका पण्डित सवैभन्दा बढी गृह जिल्ला र निर्वाचन क्षेत्र धाउने गरेका छन् ।

पण्डितले आफ्नो निर्वाचन क्षेत्रमा सञ्चालीत पूर्वाधार निर्माणका योजना, विकास निर्माणका विषयमा जनता माझ छलफल, अनुगमनलगायतका कार्यक्रम भ्याएर काठमाडौं फर्किएको नेपाल कम्युनिष्ट पार्टी(नेकपा) का १ नं. प्रदेश कमिटी सदस्य सत्यनारायण चौधरीले जानकारी दिए ।

सांसद पण्डितले आफ्नो निर्वाचन क्षेत्र अन्तर्गत शुन्दर हरैँचा नगरपालिका–५ स्थित बुद्धशान्ति आधारभुत विद्यालयको शिलान्यास र सोही वडाको हरियाली सामुदायीक भवन सम्बन्धी डिपिआरका विषयमा स्थानीय जनतासँग छलफल गरेका छन् ।

त्यस्तै पण्डितले सोही नगरपालिकाको वडा नं. ६ स्थित ॐ सांगे रेसुम गुम्बाको निर्माणाधिन कामको अगुगमन, निरिक्षण, थप १ करोड ५० लाखको डिपिआरका विषयमा छलफल गरेको जनाइएको छ । त्यसैगरि उनले सोही वडाको गुरुङ गुफा घरको जग्गाको समस्या समाधानका विषयमा समेत अन्तरकृया गरेका छन् । शुन्दर हरैँचाकै ६ नं. वडा स्थित १ कारोडको लागतमा निर्माणाधिन जागृती मार्गको अगुगमन र सोही मार्गका लागि थप २ करोड रुपैयाँ विनियोजना भएको विषयमा स्थानीयसँग छलफल गरेको नेकपा प्रदेश कमिटी सदस्य चौधरीले बताए ।

त्यसैगरि पण्डितले शुन्दरहरैँचा–५ स्थित नेपाल सरकारको तराई मधेश समृद्धि कार्यक्रम मार्फत निर्माणाधिन सत्कवीर सामुदायीक भवनको निरिक्षण तथा कामको प्रगतिकाबारेमा छलफल गरेका छन् । उनले दुवहीमा सम्पन्न दोस्रो मनमोहन अन्तराष्ट्रिय आउट डोर डोरी तान प्रतियोगितामा प्रमुख अतिथिका रुपमा सहभागि भई विजेतालाई नगद पुरस्कार, ट्रफि, मेडल तथा प्रमाणपत्र वितरण गरेका छन् ।

प्रतियोगितामा विजेता बनेको भारत विहारको टिमले नगद १ लाख र उपविजेता बनेको प्रदेश १ ले नगद ५० हजार, ट्रफि, मेडल र प्रममाणपत्र प्राप्त गरेको छ । प्रतियोगितामा आयोजक नेपाल, श्रीलंका र भारतसहित १० टिमको सहभागिता रहेको चौधरीले जानकारी दिए । उनले पण्डितले बुढीगंगा–४ मा निर्वाचन क्षेत्र पूर्वाधार विकास कोष मार्फत निर्माणमा रहेका विभिन्न योजनाको अनुगमन, दुहवी–४ स्थित सामुदायीक भवन तथा स्पोर्टस् एकाडेमी निर्माणाधिन भवनको अवलोकन तथा निरिक्षण समेत गरेको बताए ।

मृतकका परिवारजनलाई भेटेर समवेदना व्यक्त
सँधै जनताको पिरमर्का र दुखमा समेत साथ दिँदै आएका पूर्वमन्त्री पण्डितले आफ्नो निर्वाचन क्षेत्रमा विभिन्न कारणले मृत्यु भएका व्यक्तिका परिवारजनलाई भेटेर समवेदना प्रकटसमेत गरेका छन् । उनले शुन्दरहरैँचा–५ स्थित पार्टी सदस्य चक्रबहादुर श्रेष्ठकी आमा ८१ वर्षिया लिलाकुमारी श्रेष्ठको निधनप्रति परिवारजनलाई भटेर समवेदना प्रकट गरे । त्यस्तै पार्टी सदस्य सरिता चौधरीकी सासु ९१ वर्षिय कसरीदेवी चौधरीको निधन, करेन्ट लागेर मृत्यु भएका स्थानीय ३० वर्षिय राजु गहतराज, स्थानीय शिक्षक टेकनाथ दुलालकी १७ वर्षिया छोरी कुशुमा दुलालको निधन, बुढीगंगा–५ स्थित पार्टी सदस्य विमल रायको निधनमा शोक व्यक्त गर्दै मृतकका परिवारजनलाई भेटेर समवेदनासमेत व्यक्त गरेका छन् ।

सम्बन्धित समाचार

पश्चिमबंगाल विधानसभामा विधायकहरूबीच हानाहान

भारतको पश्चिमबंगाल विधानसभामा आइतबार विधायकबीच हात हालाहाल भएको छ । पश्चिमबंगालको बीरभूममा भएको हत्याकाण्डलाई लिएर विधानसभामा हात हालाहाल भएको हो । तृणमूल कांग्रेस र बीजेपी विधायकबीच भएको हानाहानमा तृणमूल कांग्रेसका विधायक असित मजूमदार घाइते भएका...

देशैभर पानी पर्ने संभावना, यस्तो छ आगामी तीन दिनको मौसम

काठमाडौं, कात्तिक १ । मौसम पूर्वानुमान महाशाखाले आज देशभर पानी पर्ने जनाएको छ । महाशाखाका अनुसार सुदूरपश्चिम प्रदेश, कर्णाली प्रदेश, गण्डकी प्रदेश र लुम्बिनी प्रदेशका धेरै स्थानहरुमा साथै प्रदेश १, प्रदेश २ र बागमती प्रदेशका केही...

विराटनगरमा थप ४३ जनामा कोरोना पुष्टि, संक्रमितको संख्या ५ सय नाघ्यो

विराटनगर, ३२ साउन–विराटनगरमा थप ४३ जनामा कोरोना संक्रमण पुष्टि भएको छ । शनिबार राति ४३ जना कोरोना संक्रमित थपिएको विराटनगर महानगरपालिका जनस्वास्थ्य महाशाखा प्रमुख रमेश कार्की जानकारी दिए । उनका अनुसार थपिएका संक्रमितहरु ५ देखि...

अदालतले ओलीको कदमलाई सदर गरे कांग्रेस चुनावमा जान्छ : देउवा

काठमान्डौ २५ पुस-अदालतले मध्यावधिमा जाने ओलीको कदमलाई सदर गरे कांग्रेस चुनावमा जाने नेपाली कांग्रेसका सभापति शेरबहादुर देउवाले बताएका छन् । संसद विघटनको विरोधमा काठमाडौं ५ मा आयोजित प्रदर्शनलाई सम्बोधन गर्दै देउवाले यस्तो बताएका छन् ।...

डा. गोविन्द केसीको समर्थन गर्दै साझा पार्टीद्धारा विराटनगरमा प्रदर्शन

विराटनगर, २२ असोज-डा. गोविन्द केसीको मागप्रती ऐक्यवद्धता जनाउँदै साझा पार्टी विराटनगरले प्रदर्शन गरेको छ । साझा पार्टी विराटनगर महानगर कमिटीले बिहिबार विराटनगरमा डा. केसीको मागप्रति ऐक्यवद्धता जानाउँदै शान्तिपूर्ण प्रदर्शन गरेको हो । सो पार्टीले सरकारलाई...

माधवको अभियान तुहाउन सक्रिय बने एमालेका नेता

काठमाडौं, जेठ १९ । पार्टी बिरुद्ध निरनतर अभियान नछाडेपछि निश्काशनमा पर्नुभएका एमालेका पूर्वबरिष्ठ नेता माधव नेपालले जसरी प्नि अलग पार्टी बनाएर माओवादीसँग बिलय गराउने योजना बनाएपछि आपसी विवाद मिलाउन नेताहरु अनौपचारिक रुपमा सक्रिय भएका छन ।...

कंकालिनी भगवती मन्दिरमा सात सय ४४ राँगा बलि

राजविराज, २९ असोज-बडादशैँको महानवमीका दिन सप्तरीको भारदहस्थित कंंकालिनी भगवती मन्दिरमा सात सय ४४ वटा राँगाको बलि चढाइएको छ । पुर्व–पश्चिम राजमार्गसँगै जोडिएको सप्तरीको हनुमाननगर कंकालिनी नगरपालिका वडा नं १ भारदह गाउँमा अवस्थित नेपालकै प्रसिद्ध कंकालिनी...

बालुवाटारमा नेकपा सचिवालय बैठक सुरु

काठमाडौं, साउन ३-सत्तारूढ नेपाल कम्युनिस्ट पार्टी (नेकपा) सचिवालय बैठक बालुवाटारमा सुरु भएको छ । पार्टीभित्र देखिएको विवाद समाधानको प्रयासस्वरूप स्थायी कमिटी बैठक स्थगित गरेर सहमतिको प्रयासका लागि सचिवालय बैठक बस्न लागेको हो । पार्टी केन्द्रीय सचिवालयकाे...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्