घरमै बसेर जितिया पर्व मनाउँदै थारू महिला
चितवन, २५ भदौ-थारू समुदायका महिलाको मुख्य चाड हो जितिया । आज जितियाको दोस्रो दिन अर्थात् मुख्य दिन । निकै रमझमका साथ मनाइने यो पर्वमा यस वर्ष खासै उल्लास छैन । कोरोनाको प्रकोपका कारण थारू महिला...
विराटनगर, फागुन १८–नेपाल घरेलु तथा साना उद्योग महासंघ मोरङको अधिवेशनको तयारी तीब्र पारिएको छ । विराटनगरमा आगामी चैत २२ गते हुने महासंघ मोरङको २२ औँ जिल्ला भेला तथा १२ औँ जिल्ला अधिवेशनको तयारी तीब्र पारिएको हो । साना, लघु तथा घरेलु उद्योगीहरुको छाता संगठनका रुपमा रहेको महासंघको अधिवेशन नजिकिएसँगै सोही अनुरुपको तयारी अघि बढाइएको महासंघ मोरङका महासचिव गोपाल काफ्लेले जानकारी दिए ।
अधिवेशनकै शन्दर्भमा जिल्लाका विभिन्न पालिकामा शाखाहरुको अधिवेशन भइरहेका छन् । हालसम्म केराबारी गाउँपालिका, लेटाङ नगरपालिका र उर्लाबारी पालिका शाखाको अधिवेशन सम्पन्न भइसकेको जनाइएको छ । अन्य पालिकाहरुमा समेत जारी रहेको महासचिव काफ्लेले जानकारी दिए ।
यसैबिच महासंघको टोलिले आईतबार अधिवेशनकै शन्दर्भमा घरेलु तथा साना उद्योग कार्यालय विराटनगरमा पुगेर उद्योगीका समस्या लगायत विभिन्न विषयमा छलफल गरेको छ । महासंघ मोरङका अध्यक्ष नरेन्द्र हुमागाईँको नेतृत्वमा उपाध्यक्ष चेतन निरौला र महासचिव गोपाल काफ्लेसहित पुगेको टोलिले कार्यालय प्रमुख गोकुल केसीलाई भेटेर महासंघ सँग समन्वय र सहकार्य गरि उद्योगीका समस्या समाधानमा ध्यान दिन आग्रह गरेका थिए ।
हजारौँ सदस्य रहेको महासंघ मोरङले सना, लघु तथा घरेलु उद्योगीहरुका हकहितको क्षेत्रमा काम गर्दै आएको छ । महासंघले उद्योगीहरुको नेतृत्व विकास, क्षमता विकास, शिप तथा रोजगारमुलक तालिम, रोजगार मेलालगायतका कार्यक्रमहरुसमेत गर्दै आएको छ । अधिवेशनले ३ वर्षका लागि पदाधिकारी तथा सदस्यहरुसमेत चयन गर्ने जनाइएको छ । साना, लघु तथा घरेलु उद्योगहरुले मुलुकमा बेरोजगारी न्युनिकरणमा सवै भन्दा महत्वपूर्ण भुमिका निभाउँदै आएको महासचिव काफ्लेले बताए ।
