राशिफल

बसाइँ–सराइ रोक्न लिफ्टिङ खानेपानी आयोजना सञ्चालनको तयारी

 न्यूज विराट
बसाइँ–सराइ रोक्न लिफ्टिङ खानेपानी आयोजना सञ्चालनको तयारी

विराटनगर, माघ २६–खानेपानी अभावकै कारण पहाडी क्षेत्रबाट तराईमा बसाइँ सर्र्ने क्रम बढेपछि पूर्वी पहाडी जिल्लाका सुख्खाग्रस्त क्षेत्रमा लिफ्टबाट खानेपानी आयोजना सञ्चालनको तयारी थालिएको छ । खानेपानी अभावकै कारण बसाइँ सर्नुपर्ने बाध्यता रोक्न स्थानीय नदीबाट लिफ्टिङ प्रणालीमार्फत पानी तानेर प्रशोधन गरी वितरण गर्ने तयारी थालिएको हो । खानेपानी अभावका कारण पूर्वी पहाडी क्षेत्रबाट तराईमा बसाइँसराई गर्नेक्रम तीव्र छ ।

प्रदेश नम्बर १ का उदयपुर, तेह्रथुम, धनकुटा, पाँचथरलगायतका पहाडी जिल्लाबाट तराईमा बसाइँ–सराई गर्नेहरूका कारण कतिपय गाउँ नै रित्तिने अवस्थामा पुगेका छन् । संघीय खानेपानी तथा ढल व्यवस्थापन आयोजना कार्यालय विराटनगरका अनुसार स्थानीयको १० प्रतिशत र सरकारको ९० प्रतिशत लगानीमा लिफ्टिङ खानेपानी आयोजना निर्माण हुनेछन् ।

चालू आर्थिक वर्ष ०७६र०७७ मा कार्यालयले ६ वटा आयोजनाका लागि डीपीआर निर्माणको काम थालेको छ । डिपीआर निर्माण सुरू गरिएका आयोजनाहरूमा तेह्रथुमको आठराईमा–घोडागाउँ–टुडीखेल–नागेश्वरी लिफ्ट खानेपानी आयोजना, तमोर करिडोर सुख्खाग्रस्त खानेपानी आयोजना, धनकुटाको लेगुवा लिफ्टिङ खानेपानी आयोजना रहेका छन् । यस्तै उदयपुरको सुनकोसी लिफ्टिङ खानेपानी आयोजना, सुनकोसी बृहत खानेपानी आयोजना लिम्चुङ्बुङको पनि डीपीआर निर्माणको तयारी थालिएको छ । यस्तै भोजपुरमा आम्तेक, श्यामशिला लिफ्टिङ आयोजनाको पनि डीपीआर निर्माण सुरू गरिएको छ ।

यी आयोजनाले १ लाखभन्दा बढी जनसंख्यालाई खानेपानी सुविधा उपलब्ध गराउने आयोजनाका सिनियर डिभिजनल इन्जिनियर सुरजलाल चौधरीले बताए । प्रदेश १ मा एउटा लिफ्ट खानेपानी आयोजनाको निर्माण सम्पन्न भइसकेको छ । पाँचथर जिल्लाको याशोक बजारका लागि तमोर नदिबाट २ हजार १ सय मिटरमाथि लिफ्टबाट खानेपानी पु¥याइसकिएको छ । उक्त आयोजना यहि फगुनबाट सञ्चालनमा ल्याउने तयारी भइरहेको कार्यालयले जनाएको छ ।

सम्बन्धित समाचार

राष्ट्र बैंकको नीतिको कारण अटो व्यवसायी सडकमा, गाडी बिक्रीको वातावरण बनाउन माग

विराटनगर । अटो मोबाइल्स व्यवसायीहरू सरकार विरुद्धका चर्का नारा लेखिएका प्लेकार्ड तथा ब्यानर बोकेर सडकमा उत्रिएका छन् । खासगरी सरकार, राष्ट्र बैंकको पछिल्लो नीतिले अटो मोबाइल्स व्यवसाय नै धरासायी हुन पुगेको भन्दै व्यवसायीहरू आन्दोलित भएका...

हिमालय दर्शन कलेजमा दुई हप्ते ‘प्रि युनिभर्सिटी’ कक्षा सकियो, विद्यार्थीको लागि लाभदाही

विराटनगर । विराटनगरस्थित हिमालय दर्शन कलेजमा भर्ना भएका विद्यार्थीहरूलाई लक्षित गरि सुरू गरिएको दुई हप्ते ‘प्रि युनिभर्सिटी’ कक्षा सकिएको छ । हिमालय दर्शन कलेजमा भर्ना भएका बीआइएम र बीसीए पहिलो सेमिस्टरमा भर्ना भएका विद्यार्थीहरूलाई लक्षित...

शिक्षादीप स्पोर्टस् मिट सुरू,पाँच सय बढी विद्यार्थीको सहभागि

विराटनगर । विराटनगरस्थित शिक्षादीप कलेजमा शिक्षादीप स्पोर्टस् मिट २०७९ सुुरू भएको छ । विराटनगरमा बिहीबार एक कार्यक्रम आयोजना गरी स्पार्टस् मिट सुरू भएको हो । हप्तादिनसम्म संचालन हुने स्पोर्टस् मिटको उद्घाटन कलेजका प्रिन्सिपल ज्ञानबहादुर खड्काले...

मेयर कोइरालाकै घरमा चल्यो डोजर, विराटनगरमा अवैध संरचना हटाउन थालियो

विराटनगर । विराटनगर महानगरपालिकाले बजार क्षेत्रमा निर्माण गरिएका अवैध संरचना हटाउने अभियान सुरु गरेको छ ।अभियानको विराटनगर महानगरपालिकाका मेयर नागेश कोइरालाको घरबाटै सुरु गरिएको छ । विराटनगर–९ जलजला रोडस्थित कोइरालाले भाडामा लगाएका पसल सञ्चालकले सटर...