समृद्धि, सुशासन र भ्रष्टाचार नियन्त्रणको बाटो तयार भइसक्यो - News Birat

समृद्धि, सुशासन र भ्रष्टाचार नियन्त्रणको बाटो तयार भइसक्यो

न्यूज विराट

काठमाडौं, माघ १५–प्रधानमन्त्री केपी शर्मा ओलीले दुई वर्षको अन्तरालमा देशले समृद्धि, सुशासन र भ्रष्टाचार नियन्त्रणको बाटो समातेको बताएका छन् । उनले नेकपाको केन्द्रीय कमिटी बैठकको उद्घाटन सत्रलाई सम्बोधन गर्दै सरकार बनेको दुई वर्षमा मुलुकले अग्रगामी परिवर्तनको बाटो समातेको दाबी गरे । नेपाल कम्युनिष्ट पार्टी (नेकपा) का अध्यक्षसमेत रहेका उनले अहिल्यै समृद्धि हासिल भएको नभई यसको बाटोमा मुलुक गएकोमा ढुक्क हुन पनि आग्रह गरे ।

‘समृद्धि हासिल भएको होइन, बाटोमा छौं, हामी सुशासन कायम गर्ने, भ्रष्टाचार नियन्त्रण गर्ने र रोक्ने बाटोमा छौं । बाटो खनिसक्यौं । तर, सबै पूर्वाधार तयार भइसके भन्ने पनि होइन । हाम्रो प्रयास यसमा निरन्तर छ,’ प्रधानमन्त्री ओलीले भने । उनले मुलुक संक्रमणकालमा भएका बेला वैचारिक स्पष्टताविना गन्तव्यमा पुग्न नसकिने भन्दै यो बैठकमा वैचारिक स्पष्टतासहित प्रस्तुत हुन नेताहरूलाई आग्रह पनि गरे ।

वैचारिक कुरामा हाम्रो बहुतै स्पष्टता जरुरी छ । वैचारिक स्पष्टताका लागि अध्ययन गरौं र आँखा खोलेर चलौं,’ प्रधानमन्त्री ओलीले भने, ’विगतसँग टाँसिएर होइन, वर्तमान यथार्थसँग जोडिएर सोचौं ।’ आइडियोलोजिकल तर्कबाट हच्किने नभई तर्कद्वारा पराजित गर्न नेताहरूलाई आग्रह गर्दै उनले सफल हुने बाटोमा लाग्न नेताहरूलाई आग्रह गरे ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles