सप्तरीमा आगलागीबाट तीन घर जलेर नष्ट - News Birat

सप्तरीमा आगलागीबाट तीन घर जलेर नष्ट

न्यूज विराट

सप्तरी, माघ १–सप्तरीको तिलाठी कोलाडी गाउँपालिकामा आज बिहान आगलागी हुँदा तीन घर जलेर नष्ट भएका छन् । वडा नं ७ मा स्थानीय देवनारायण साहको घरबाट अचानक सल्केको आगो निजको एउटा घर पूर्णरूपमा जलेर नष्ट भएको प्रहरीले जनाएको छ ।

सोही ठाउँका छिमेकी सूर्यनारायण साह र तेजनारायण साहको पनि एकरएक घर जलेर नष्ट भएका इलाका प्रहरी कार्यालय हनुमानगरले जनाएको छ । आगलागी भने गाईगोठमा बालेको आगोबाट भएको हुन सक्ने स्थानीयले अनुमान गरेका छन् । आगलागीबाट तीन जनाको खाद्यान्न, लत्ताकपडा, भाडावर्तन र नगद जिन्सीलगायत करिब १० लाख रुपैयाँभन्दा बढी मूल्यबराबरको क्षति भएको जिल्ला प्रहरी कार्यालयले जनाएको छ ।

आगोलाई स्थानीवासी, प्रहरी र नगरपालिकाबाट आएको वारुणयन्त्रले नियन्त्रणमा लिएको प्रहरीले जनाएको छ । यसैबीच, आगलागी भएको ठाउँमा पीडितका लागि तत्काल राहत दिनका लागि चिउरा, भुजिया, भुजा तथा त्रिपाल सहयोगका लागि गाउँपालिकाले व्यवस्था गरेको गाउँपालिकाका अध्यक्ष सतीश सिंहले जानकारी दिए । रासस

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles