राशिफल

सरस्वतीलाई पराजित गर्दै आर्मी शीर्षस्थानमा

 न्यूज विराट
सरस्वतीलाई पराजित गर्दै आर्मी शीर्षस्थानमा

काठमाडौं, पुस २४–विभागीय टिम त्रिभुवन आर्मी क्लब कतार एयरवेज सहिद स्मारक ए डिभिजन लिग फुटबलको शीर्ष स्थानमा उक्लिन सफल भएको छ । दशरथ रंगशालामा बिहिबार भएको खेलमा सरस्वती युथ क्लबलाई १–० ले पराजित गर्दै आर्मी अंकतालिकाको शीर्ष स्थानमा उक्लिएको हो ।

आर्मीको जितमा एकमात्र गोल जर्ज प्रिन्स कार्कीले गरे । खेलको ३०औं मिनेटमा दिनेश हेन्जनको पासमा प्रिन्सले निर्णायक गोल गरेका थिए । सरस्वतीलाई दबाबमा राख्दै खेलमा कब्जा जमाएको आर्मीले गोलका थुप्रै अवसर सिर्जना गरेको थियो । तर, सिर्जित अवसर सदुपयोग गर्न नसक्दा झिनो अन्तरको जितमा चित्त बुझाउन वाध्य भएको हो । खेलको २५ औं मिनेटमा नवयुग श्रेष्ठ डीबक्स भित्रबाटै गोल गर्न चुके भने पहिलो हाफको इन्जुरी टाइममा किपर बिट भइसकेको अवस्थामा जर्ज प्रिन्सको प्रहार केही इन्चले पोस्ट बाहिर गयो ।

दोस्रो हाफमा पनि आर्मीले थुप्रै अवसर खेर फाल्यो । ५१ औं मिनेट जर्ज प्रिन्सले सरस्वतीका गोलकिपरसँग वान भर्सेस वानमा गोल गर्दै गोलअन्तर दोब्बर गर्ने मौका गुमाए । खेलमा आर्मीका विकास खवास म्यान अफ दि म्याच चुनिएका थिए । लिगमा चौथो जित निकालेको आर्मी ५ खेलमा १२ अंक जोड्दै शीर्षस्थानमा उक्लिन सफल भयो । ५ खेलमा ११ जोडेको डिफेन्डिङ च्याम्पियन मनाङ मस्र्याङ्दी क्लबलाई १ अंकले पछि पार्दै आर्मी शीर्ष स्थानमा उक्लिएको हो । सरस्वतीको भने यो लगातार पाँचौं पराजय हो । अंकतालिकाको पुछारमा रहेको सरस्वती लगातार ५ खेलमा पराजित भएको छ ।

सम्बन्धित समाचार

विराटको सङ्कलन केन्द्र विराटनगरको भट्टिमोडमा स्थापना, अब घरमै बसेर बिरामीले रिपोट पाउने

विराटनगर । विराटनगरको दक्षिणी क्षेत्र र सीमावर्ती भारतीय बिरामीहरूलाई स्थानीय स्थरमा स्वास्थ्य सेवा पु¥याउने उद्देश्यले विराट नर्सिङ होम भित्र रहेको विराट इन्टरनेशनल डाईग्नोस्टिक ल्याब प्रा.लि. ले रगत सङ्कलन केन्द्र स्थापना गरेको छ ।विराटले आइतबार विराटनगर...

बुद्धोदय सहकारीको निक्षेप ११ करोड १ लाख

विराटनगर । विराटनगर महानगरपालिका ३ मा रहेको बुद्धोदय बचत तथा ऋण सहकारी संस्था लि. ले आर्थिक वर्षमा ११ करोड भन्दा बढी रकम निक्षेप गर्न सफल भएको छ ।सहकारीको विराटनगरमा आइतबार भएको १४ औं वार्षिक साधरण...

विराट एक्स्पोको तयारी पुरा, ३६१ वटा स्टल रहने

विराटनगर । सातौं संस्करणको विराट एक्स्पोको तयारी पुरा भएको छ । मंसिर २९ देखि पुस ६ गतेसम्म विराटनगर महानगरपालिका–१४ स्थित डिग्री क्याम्पस (पुरानो हवाई फिल्ड)मा हुन लागेको एक्स्पोको तयारी पुरा भएको आइतबार पत्रकार सम्मेलन गरी...

रोटरी क्लबले मनायो बालबालिकासँग अन्तराष्ट्रिय अपाङ्गता दिवस

विराटनगर, १७ मंसिर । रोटरी क्लब अफ विराटनगर डाउनटाउनले अन्तराष्ट्रिय अपाङ्गता दिवस मनाएको छ । क्लबले अपाङ्गता भएका बालबालिकाहरुसँग ३१ औँ अन्तराष्ट्रिय अपाङ्गता दिवस मनाएको हो । पिटर प्यान प्ले पेन स्कूलको सहयोगमा क्लबले सीपी...