राशिफल

कानेपोखरी गाउँपालिकामा जेठ २५ देखि खेल सप्ताहा

 न्यूज विराट
कानेपोखरी गाउँपालिकामा जेठ २५ देखि खेल सप्ताहा

 

कानेपोखरी(मोरङ)  । मोरङको कानेपोखरी गाउँपालिकाले जेठ २५ देखि असार १ गते सम्म खेलकुद सप्ताहाको आयोजना गर्ने भएको छ ।
सोमबार गाउँपालिकामा पत्रकार सम्मेलन गर्दै सो कुराको जानकारी गराइएको हो । खेलकुद सप्ताहा अन्तरगत अध्यक्ष कप फुटबल, भलिबल, ब्याडमिन्टन, क्रिकेट, बुद्धिचाल(चेस) म्याराथुन र एथलेटिक्स प्रतियोगिता हुने गाउँपालिका स्तरीय खेलकुद समितिका संयोजक भूपाल श्रेष्ठले जानकारी दिए ।
खेलकुद विकास र खेलाडीको पहिचानका लागि गाउँपालिकाले चालु आर्थिक वर्षमा १५ लाख रुपियाँ विनियोजन गरेको थियो । यस्तै अध्यक्ष कप फुटबलका लागि ४ लाख रुपियाँ छुट्याइएको छ । सोही रकमले प्रतियोगिता हुन लागेको हो । गाउँपालिकाका ७ वडाले सबै प्रतियोगितामा प्रतिस्पर्धा गर्नेछन् ।

अध्यक्ष कप कानेपोखरी–७ स्थित जनकल्याण माविको खेल मैदानमा हुनेछ । फुटबल खेलको ब्यवस्थापन स्थानीय मितेरी युवा क्लवले गर्नेछ । यसैगरी भलिबल र क्रिकेट कानेपोखरी–६ को जनसेवा माविको खेलमैदानमा हुनेछ ।
खेल सप्ताहा अन्तरगत महिलाको मैत्रीपूर्ण खेल र रेफ्री प्रशिक्षण समेत हुने पत्रकार सम्मेलनमा जानकारी गराइएको छ ।
पत्रकार सम्मेलन गाउँपालिका प्रमुख ताराबहादुर काफ्लेको अध्यक्षतामा भएको थियो ।

फुटवलतर्फका विजेताले ८० हजार प्राप्त गर्नेछन् भने उप–विजेताले ५० हजार सहित ट्रफी, मेडल र प्रमाण–पत्र प्राप्त गर्नेछन् ।
यस्तै भलिवलतर्फ विजेताले ५१ हजार र उप–विजेताले ३१ हजार का साथ ट्रफि, मेडल र प्रमाणपत्र प्राप्त गर्नेछन् । अन्य प्रतियोगिताको पुरस्कार राशी भने तोक्न बाँकी रहेको आयोजकले जनाएको छ । सो कार्यक्रममा समितिको तर्फबाट संयोजक भूपाल श्रेष्ठले प्रेस विज्ञप्ति वाचन गर्दै खेलकुद कार्यक्रमको बारे प्रष्ट्याएका थिए । कार्यक्रममा कानेपोखरी गाउंपालिकाका प्रमुख तारा बहादुर काफ्ले, स्थानीय समाजसेवी भोला अधिकारी, प्रशासकीय अधिकृत पुरुसोत्तम घिमिरे लगायतको उपस्थिति रहेको थियो ।
पत्रकार सम्मेलनमा कानेपोखरी ५ को बी एण्ड बी कन्ट्रक्सनले प्रतियोगितामा सहभागिता जनाउने वडाहरुको लागि जर्सी हस्तान्तरण गरेको थियो ।

सम्बन्धित समाचार

राष्ट्र बैंकको नीतिको कारण अटो व्यवसायी सडकमा, गाडी बिक्रीको वातावरण बनाउन माग

विराटनगर । अटो मोबाइल्स व्यवसायीहरू सरकार विरुद्धका चर्का नारा लेखिएका प्लेकार्ड तथा ब्यानर बोकेर सडकमा उत्रिएका छन् । खासगरी सरकार, राष्ट्र बैंकको पछिल्लो नीतिले अटो मोबाइल्स व्यवसाय नै धरासायी हुन पुगेको भन्दै व्यवसायीहरू आन्दोलित भएका...

हिमालय दर्शन कलेजमा दुई हप्ते ‘प्रि युनिभर्सिटी’ कक्षा सकियो, विद्यार्थीको लागि लाभदाही

विराटनगर । विराटनगरस्थित हिमालय दर्शन कलेजमा भर्ना भएका विद्यार्थीहरूलाई लक्षित गरि सुरू गरिएको दुई हप्ते ‘प्रि युनिभर्सिटी’ कक्षा सकिएको छ । हिमालय दर्शन कलेजमा भर्ना भएका बीआइएम र बीसीए पहिलो सेमिस्टरमा भर्ना भएका विद्यार्थीहरूलाई लक्षित...

शिक्षादीप स्पोर्टस् मिट सुरू,पाँच सय बढी विद्यार्थीको सहभागि

विराटनगर । विराटनगरस्थित शिक्षादीप कलेजमा शिक्षादीप स्पोर्टस् मिट २०७९ सुुरू भएको छ । विराटनगरमा बिहीबार एक कार्यक्रम आयोजना गरी स्पार्टस् मिट सुरू भएको हो । हप्तादिनसम्म संचालन हुने स्पोर्टस् मिटको उद्घाटन कलेजका प्रिन्सिपल ज्ञानबहादुर खड्काले...

मेयर कोइरालाकै घरमा चल्यो डोजर, विराटनगरमा अवैध संरचना हटाउन थालियो

विराटनगर । विराटनगर महानगरपालिकाले बजार क्षेत्रमा निर्माण गरिएका अवैध संरचना हटाउने अभियान सुरु गरेको छ ।अभियानको विराटनगर महानगरपालिकाका मेयर नागेश कोइरालाको घरबाटै सुरु गरिएको छ । विराटनगर–९ जलजला रोडस्थित कोइरालाले भाडामा लगाएका पसल सञ्चालकले सटर...