राशिफल

जनप्रतिनिधिले काम विनै खाएको तलब फिर्ता गर्न माग

 न्यूज विराट
जनप्रतिनिधिले काम विनै खाएको तलब फिर्ता गर्न माग

 

पथरी, ३ चैत । विना काम तलब लिने जनप्रतिनिधिलाई रकम फिर्ता गर्न नयाँ शक्ति पार्टीले माग गरेको छ । आइतबार नयाँ शक्ति पार्टी नगर समितिले पथरीशनिश्चरे नगर प्रमुखलाई ज्ञापन पत्र मार्फत् विना काम तलब भत्ता बुझ्ने वडा सदस्य र कार्यापालिका सदस्यबाट रकम फिर्ता गर्न माग गरेको हो ।

नयाँ शक्ति पार्टी नगर संयोजक तारा दवाडीले नगर प्रमुखलाई ज्ञापन पत्र बुझाउँदै जनप्रतिनिधिलाई मासिक रुपमा प्रदान गरिने तलब भत्ता तत्काल खारेज गर्न समेत माग गरिन् । ज्ञापन पत्र मार्फत् नगरपालिकाभित्र रहेको अव्यवस्थित बसोबास तथा सुकुम्बासी समस्यालाई समाधान गर्छु भनी जनप्रतिनिधिले चुनावमा प्रतिबद्धता जनाएको स्मरण गराउँदै द्वैध स्वामित्व तत्काल समाधान गर्न संयोजक दवाडीले माग गरिन् । निर्वाचित भएको डेढ वर्ष पुग्दा समेत सुकुम्बासी समस्या समाधान गर्न कुनै पहल नगरेको भन्दै बसोबासको आधारमा जग्गा वितरण गर्नुपर्ने उनको भनाई छ ।

 

ज्ञापन पत्र बुझाउने क्रममा नयाँ शक्ति पार्टी नगर संगठन विभाग प्रमुख एल वी भण्डारीले नगरपालिकाले संचालन गरेका विकास योजनाहरुमा अनियमितता भएको भन्दै तत्काल ‘सेटिङ सिस्टम’ को अन्त्य गर्न माग गरे ।

नगर प्रमुख दिलिपकुमार राई र प्रमुख प्रशासकीय अधिकृत सूर्यप्रसाद गौतमलाई संयुक्त रुपमा बुझाईएको ६ बुँदे ज्ञापन पत्रमा प्रत्येक वडा कार्यालयमा प्राविधिक दक्ष जनशक्तिको कमीले नागरिकले दुःख पाइरहेको उल्लेख गरिएको छ । ज्ञापन पत्रमा विषयगत ज्ञान नभएका कर्मचारी बर्खास्त गरी दक्ष प्राविधिक जनशक्ति तुरुन्त नियुक्त गरियोस् भनिएको छ ।

यस्तै, ज्ञापन पत्रको पाँचौ नम्बर बुँदामा नगरपालिकाले प्राथमिकताको आधारमा र मानव संसाधनको विकासका लागि बजेट विनियोजन गर्न माग गरिएको छ । ज्ञापन पत्रको अन्त्यमा असारे विकासको अन्त्य गर्दै अहिलेसम्म काम सुरु नभएका योजनाहरु तत्काल सञ्चालन गर्न माग गरिएको छ ।

सम्बन्धित समाचार

विराटको सङ्कलन केन्द्र विराटनगरको भट्टिमोडमा स्थापना, अब घरमै बसेर बिरामीले रिपोट पाउने

विराटनगर । विराटनगरको दक्षिणी क्षेत्र र सीमावर्ती भारतीय बिरामीहरूलाई स्थानीय स्थरमा स्वास्थ्य सेवा पु¥याउने उद्देश्यले विराट नर्सिङ होम भित्र रहेको विराट इन्टरनेशनल डाईग्नोस्टिक ल्याब प्रा.लि. ले रगत सङ्कलन केन्द्र स्थापना गरेको छ ।विराटले आइतबार विराटनगर...

बुद्धोदय सहकारीको निक्षेप ११ करोड १ लाख

विराटनगर । विराटनगर महानगरपालिका ३ मा रहेको बुद्धोदय बचत तथा ऋण सहकारी संस्था लि. ले आर्थिक वर्षमा ११ करोड भन्दा बढी रकम निक्षेप गर्न सफल भएको छ ।सहकारीको विराटनगरमा आइतबार भएको १४ औं वार्षिक साधरण...

विराट एक्स्पोको तयारी पुरा, ३६१ वटा स्टल रहने

विराटनगर । सातौं संस्करणको विराट एक्स्पोको तयारी पुरा भएको छ । मंसिर २९ देखि पुस ६ गतेसम्म विराटनगर महानगरपालिका–१४ स्थित डिग्री क्याम्पस (पुरानो हवाई फिल्ड)मा हुन लागेको एक्स्पोको तयारी पुरा भएको आइतबार पत्रकार सम्मेलन गरी...

रोटरी क्लबले मनायो बालबालिकासँग अन्तराष्ट्रिय अपाङ्गता दिवस

विराटनगर, १७ मंसिर । रोटरी क्लब अफ विराटनगर डाउनटाउनले अन्तराष्ट्रिय अपाङ्गता दिवस मनाएको छ । क्लबले अपाङ्गता भएका बालबालिकाहरुसँग ३१ औँ अन्तराष्ट्रिय अपाङ्गता दिवस मनाएको हो । पिटर प्यान प्ले पेन स्कूलको सहयोगमा क्लबले सीपी...